Sosial Tədqiqatlar Mərkəzinin (STM)İdarə Heyətini üzvü, professor Tahirə Allahyarova Türkiyənin Üsküdar Universitetində Beynəlxalq Simpoziumda çıxış edib

7-8 dekabr 2022-ci il tarixlərində Türkiyənin İstanbul şəhərindəÜsküdar Universitetində Beynəlxalq   Simpozium keçirilib. 
Simpoziumun mövzusu müasir dövrün  yeni “qlobal pandemiyası” adını alan, aktual sosial   problemə- tənhalıq fenomeninə həsr edilib. 8 ölkədən 30 tədqiqatçı alimin məruzəçi olduğu simpozium   iki gün davam edib. 
Üsküdar Universitetinin 2019-cu ildən başlayaraq təşkil etdiyi   Beynəlxalq Tənhalıq Simpoziumu bu il say etibarı ilə artıq 4-cü dəfə keçirilib.   Universitetin Humanitar və İctimai Elmlər Fakültəsinin Sosiologiya Bölməsi qeyd edilən sosial problemin araşdırılmasına demək olar ki, dünya miqyasında ilk dəfə,4 il əvvəl başlayıb. İndiyə qədər keçirilmiş 3 Beynəlxalq Tənhalıq Simpoziumunda texnologiyanın, sosial şəbəkələrin, pandemiyanın, rəqəmsallaşma və qloballaşma  proseslərinin və s. müasir tendensiyaların cəmiyyətdə insanlararası münasibətlərdə getdikcə geniş miqyas alan tənhalıq probleminin  sosial aspektləri ilə bağlı tədqiqatlar müzakirə edilib.
7-8 dekabr 2022-ci il tarixlərində keçirilən    Simpoziumunun əsas mövzusu “Ailə və Tənhalıq”   mövzusuna həsr edilib. Azərbaycandan Sosial Tədqiqatlar Mərkəzinin İdarə Heyətini üzvü, professor  Tahirə Allahyarova simpoziumda “Ailə və nikah münasibətlərində tənhalığın sosial aspektləri” mövzusunda təqdimatla çıxış edib.
Simpoziumda Avstriya, Türkiyə, Fransa, Qazaxıstan, Azərbaycan, Qırğızıstan, Özbəkistandan tədqiqatçı alimlərin   iştirakı ilə müasir ailələrdə, ailədaxili münasibətlərdə  yaşanan proseslərdə tənhalıq problemi, onun sosial,psixoloji, mədəni, texnoloji və s. aspektləri   müzakirə edilib.
Çıxış edənlər   tənhalığın müasir ailə  üzərindəki arzuolunmaz təsirlərini diqqətə çəkib. Bu tendensiyanın dünyada, eləcə də, Türk dünyasında toplumu və ailələri    uçuruma doğru aparmasını   vurğulayaraq, sosial və  psixoloji elmin bu istiqamətdə daha dərindən düşünməsini, ortaq səylərini birləşdirməsini tövsiyə edib.  Qərb ailə modelinin, modernizmin təqdim etdiyi ailə münasibətlərinin rəqabətə əsaslandığını, ailə dəyərləri baxımından ən əhəmiyyətli dəyərin əsasən ənənəvi ailə modelinə xas olan paylaşmaq və həmrəylik olması qeyd edilib.  
Çıxış edənlər dünyada, eləcə də, Türkdilli dövlətlərdə ailə institutu və ailə dəyərlərinin strateji əhəmiyyətini, eləcə də, onun üzləşdiyi  qlobal çağırışları və transformasiya proseslərini    nəzərə alaraq,   birgə tədqiqat layihələrinin həyata keçirilməsinin, əməkdaşlığın daha da gücləndirilməsinin vacibliyi təklifini irəli sürüb.