Prezident iştirak etmədiyi Qranadada Ermənistana necə qalib gəldi?

Əliyev demarş edir və Qranadaya getmir və orada Paşinyan Şolz və Makronla bəyanat verir, bir daha Qarabağı Azərbaycanın tərkib hissəsi kimi təsdiqləyir və tanıyır.

“Onlar Ermənistan (29 800 kv. km) və Azərbaycanın (86 600 kv. km) suverenliyi, sərhədlərinin toxunulmazlığı və ərazi bütövlüyünün qarşılıqlı tanınması əsasında Ermənistan və Azərbaycan arasında münasibətlərin normallaşmasına yönəlmiş bütün səylərə sadiq qalırlar.- deyə Hraparak qəzeti yazır. Prezident Mişelin dediyi kimi: 14 may və 15 iyul bəyanatlarına da tərəflər sadiq qalırlar.

Bu yolla, Əliyevin yoxluğunda və Paşinyanın susqun, aşağılayıcı, biabırçı iştirakı ilə Azərbaycan və Ermənistanın ərazi bütövlüyünü və faktiki olaraq Ermənistan Qarabağda tam təslim olmasını bir daha təsdiqləyir. Yəni Qranadaya getmədən Əliyev növbəti dəfə istədiyinə nail olur və mövqeyini daha da möhkəmləndirir. Oktyabrın 5-də əsas xəbərdə yer alan möhtəşəm fikir budur.

Bundan sonra və ya paralel olaraq hansı hadisələr baş verdi?

Fransa prezidenti İspaniyada bəyan edib ki, Azərbaycana qarşı sanksiyaların vaxtı deyil. Düzdür, o, öz mövqeyini birbaşa və davamlı dialoq yolu ilə Bakıya təzyiqin təmin edilməsi və Ermənistanı ən yaxşı şəkildə qorumaq amilləri ilə şərtləndirdi, buna baxmayaraq, Yelisey Sarayının ev sahibinin sözləri Ermənistan üçün ayrıca bir şok yaradıb.

Bunu kim deyir: erməni xalqına məhəbbət və sədaqət andı içən, ermənipərəstliyi ilə Azərbaycan hakimiyyətinin və kütləvi informasiya vasitələrinin düşmənçilik fiquruna çevrilmiş, eyni Əliyevin imtina etdiyi bir adam deyir.

Dərhal məlum oldu ki, Avropa İttifaqı Şurasının rəhbəri Şarl Mişel Ermənistanın baş naziri Nikol Paşinyanı və Azərbaycan prezidenti İlham Əliyevi Brüsseldə görüşə dəvət edib. Bu barədə Avropa Siyasi Birliyinin Qranadada keçirilən sammiti çərçivəsində jurnalistlərə diplomatik mənbə məlumat verib. “Mişel baş nazir Paşinyanı və prezident Əliyevi oktyabrın son həftəsində Brüsseldə baş tutacaq görüşə dəvət edib”, – mənbə bildirib.

Mişelin Bakıya nazik dəvəti və yanaşması da İrəvanda əməlli – başlı hiddət doğurub ki, sizdən gözlənilən bu deyildi.

Onsuz da əsəbi siyasi mühiti olan İrəvana bir zərbə də Putindən gəlib.

Rusiya prezidenti Vladimir Putin “Valday” klubunun konfransında hətta Ermənistanın Qarabağın müstəqilliyini tanımadığını, üstəlik, Qarabağı Azərbaycanın tərkib hissəsi kimi tanıdığını, bunu dəfələrlə elan etdiyini açıqlayıb.

O, həmçinin qeyd edib ki, Qarabağı Azərbaycanın bir hissəsi kimi tanımaqla İrəvan öz mövqeyini, eləcə də Qarabağdakı Rusiya sülhməramlılarının statusunu keyfiyyətcə dəyişib. Putinin sözlərinə görə, Əliyev ona deyib ki, Rusiya ordusu onun ölkəsinin ərazisindədir, ona görə də onların qalıb-qalmaması məsələsi ikitərəfli əsasda müzakirə olunmalıdır və Paşinyan da Rusiya prezidentinin sözlərinə görə, razılaşıb.

Nəticə

İndi İrəvanda belə hesab edirlər ki, necə olur ki, bizim yanımızda olduğunu bəyan edən müttəfiq Rusiya Azərbaycanla eyni səfdə yer alır, Ermənistan məsələsini özünün milli təhlükəsizlik konsepsiyasına aid edən Fransa ona qarşı sanksiya qəbul etmir.

30 il ərzində Azərbaycanın qarşısında yer almış ATƏT Minsk Qrupu təsirsiz və ölü bir orqana çevrilir.

P.S.

Əlbəttə, bunlar Azərbaycan üçün olduqca böyük uğurlar deməkdir. Amma kifayət qədər maraq doğuran bu məsələdir: Əliyev olmadığı platformada necə qalib gəldi?

Indi qaldı Qazaxın 7 kəndini və Kərkini gözləmək.