logo
AZ

Günün nəbzi

Azərbaycan bayrağının gücü və...

Üfüqdə Azərbaycan Respublikasının üçrəngli bayrağı dalğalanır.

 

Ora sərhəddir, yanbayan düzülmüş 4 əsgər çadırı, onların isə qarşısında gözləmə rejimində dayanmış URAL, yaxınlıqdakı digər şeylər açıq- aşkar buranın hərbi hissə olmasından xəbər verir.

 

Hər gün bəlkə də onlarla erməni dilli xəbər kanalları "ştativi"ni özgə torpağına dayayaraq, obyektivinə əsgərlərimizin görüntülərini qeyd edir...

 

Uçurumun yanından keçən təzə çəkilmiş asfalt yolla irəliləyən avtomobilin qənşərində blok-post görünür.

 

 

Güney Qafqazda son 300 ildir ki, qanad çalan "Qartal"ın göy, ağ və qırmızı triadasından yaranan simvolu ilk baxışdan buranın Rusiyanın hansısa sərhəd kədlərindən birisi olması təəssüratını doğurur.

 

Amma yox, bura bir müddət əvvəl Azərbaycan əsgərinin nəzarəti alıtna keçən Qafan - Gorus yolunun Ermənistan tərəfdən gələn hissəsidir.

 

Az sonra maşın yeni quraşdırılmış ağ lövhəyə yaxınlaşır.

 

Üzərində Azərbaycanın xəritəsi həkk edilən lövhə təkcə bu torpaqların sahibinin kim olduğunu təsdiq etmir, 30 ildən artıq bir müddətdə separatçıların bədəndən kəsib götürdüyü ürəyə bənzəyən Qarabağa əbədi qovuşmanın da ifadəsi kimi təzahür edir.

 

Hündür qayaların başqa bir əzəməti var və ən ucada Azərbaycan bayrağı, ondan nisbətən kiçik qaya parçalarının başında isə müvafiq olaraq rus və erməni bayraqları dalğalanır...

 

 

İlk baxışdan kimsə səsini çıxarmasa, bütün elementləri ilə, adət və ənənələri ilə, heç nə olmasa mətbəxi ilə buranı Azərbaycanın qərb rayonlarından biri hesab etmək olar, amma az sonra kənd icmasının ağsaqqalları danışmağa başlayır.

 

 

Bura Şurnux kəndidir.

 

Üstünün cındırı tökülən, üz--başı saç - saqqallı kəndililərin gözlərindəki dərin iztirab, onların könlü xoş olsun deyə bu gün quraşdırılan teatr səhnəsi üz güldürməyə bəs etmir.

 

Siyasi çərənçiliyin unikal nümunəsini ortaya qoyan, amerikalı milyonçu, bahalı şərabını udumlayan siyasətçi, fraksiya sədri Raffi Hovanisyan "dərin mənalı" sözlərindən istifadə edərək, uzun -uzadı danışır. Amma heç bir halda erməni siyasi vitrininin xalqı bu hala salması haqda bir kəlmə belə danışmır.

 

Şurnuxda qar əriyir, az-maz halda quzey yamaclarda qalıb, yolboyunca ağaclar yaz havasında hazırlaşırmış kimi puçurlamağa can atır.

 

Amma qışın bitməsi, yazın gəlişi, bahar burda yaşayan ermənilər üçün yeni faciələrin qaranquşu olmağa hazırlaşır.

 

21 yanvarda SSR dövrünün sərhəd xərtəsinə istinad edən yeni ərazi demarkasiyası kəndin 12 evinin Azərbaycan tərəfə qaytarılmasına səbəb olub.

 

Şurnux camaatı iki yolla həyatda qala bilir: Ya heyvandarlıq, ya da əkinçilik.

 

Amma artıq örüş yerləri yoxdur, eləcə də yüz il boyunca torpağının bağrına xəncər sapladıqları Azərbaycanın hektarlarla əraziləri yoxdur.


 

           Əziz Əlibəyli

 

Mətbuat Xidmətinin rəhbəri

PAYLAŞ

Oxşarlar

Məğlub olanların kədəri: müharibə qənimətləri tarixi - (TƏRCÜMƏ)

Məğlub olanların kədəri: müharibə qənimətləri tarixi - (TƏRCÜMƏ)

20 Aprel 2021

1830-cu ilin 1 iyununda “Spaso-Preobrajenski” Katedralının ətrafında 1828-1829-cu illər Rus-Türk müharibələri zamanı ordular tərəfindən … ƏTRAFLI

Autizm əksiklik, ya da xəstəlik deyil, sadəcə FƏRQLİLİKDİR!

Autizm əksiklik, ya da xəstəlik deyil, sadəcə FƏRQLİLİKDİR!

09 Aprel 2021

"Mənə yaşıdlarımla oynamağa, ünsiyyətə girməyə, ətrafımdakıları görməyə kömək edin. Mən də kiminləsə oynamaq, danışmaq istəyirəm… ƏTRAFLI

Ermənistanda sorğunun nəticələri bunu deyir

Ermənistanda sorğunun nəticələri bunu deyir

02 Aprel 2021

Ermənistanda uzun müddətdir ki, davam edən ictimai-siyasi gərginlik fonunda ölkə ərazisində keçiriləm sorğuların nəticələri böyük mar… ƏTRAFLI