Sosial Tədqiqatlar Mərkəzi ESOMAR-a üzv oldu

13.01.2025

Sosial Tədqiqatlar Mərkəzi (STM) data araşdırma və rəy tədqiqatları sferasında ESOMAR qlobal platformasının üzvü olub.

ESOMAR 1947-ci ildə yaradılmış, ictimai rəy, sosioloji tədqiqatlar və marketinq araşdırmaları sahəsində  qlobal miqyaslı peşəkar assosiasiyadır.


•    ESOMAR – Birliyin  orijinal adının- Avropa  İctimai Rəy və  Marketinq Araşdırmaları Cəmiyyətinin- European Society for Opinion and Marketing Research- qısaldılmış akronimidir.


•    Bu gün üçün ESOMAR-ın 135 ölkədə- 12.000 üzvü, habelə, 650-dən artıq şirkət-korporativ üzvü var.  


•    ESOMAR -marketinq, ictimai rəy, sosial tədqiqatları və data analiz sahəsində fəaliyyət göstərir. Hər il bu aspektdə  İllik   konqreslər, virtual “İdeyalar Festivalı” və s. tədbirlər  keçirir. 


•    ESOMAR-ın "Tədqiqat dünyası"-Research World  adlı online platforması sözü gedən sahələrdə  nəzəri və praktiki  tədqiqat məsələlər üzrə elmi, orijinal məzmunlu təhlillər dərc edən onlayn platformadır. "Research World"- Onlayn Kitabxanası Avropada ən çox oxucu ilə-ildə 20.000 nüsxəlik qlobal tirajla yayımlanır. 


•    ESOMAR-ın xeyriyyəçilik çərçivəsində "ESOMAR Fondu"   fəaliyyəti göstərir. Bu Fond  qeyri-kommersiya təşkilatlarının tədqiqatlarını,  nkişaf etməkdə olan ölkələrdə marketinq tədqiqatları üzrə təhsili və imkansız sosial-iqtisadi təbəqələrə aid tələbələri dəstəkləyir, ehtiyacı olan tədqiqatçılara maliyyə yardımı göstərir.


•    Peşəkar birlik olaraq, ESOMAR marketinq tədqiqatı və analitika sahəsində peşəkarlar üçün bir sıra mükafatlar təsis və təltif edir.


•    2021-ci ildən ESOMAR dünya üzrə tədqiqat sahəsində 250 liderlə verilən illik mükafat   "Insight-250" təqdim edib.


•    Bundan əlavə, hər il ESOMAR bir neçə mükafat təqdim edir, o cümlədən "Gənc ESOMAR Cəmiyyəti" Mükafatı (Young ESOMAR Society (YES!),  “Tədqiqatın Effektivliyi Mükafatı” (Research Effectiveness Award) və "ESOMAR-ın Tərəfdaşı" Mükafatları(ESOMAR Partner Awards) ilə üzvlərini təltif edir.


•    Sosial Tədqiqatlar Mərkəzinin ESOMAR-a korporativ üzvlüyə qəbul edilməsi -bu qlobal peşəkar Birliyin sözü gedən bütün imkan və dəstəklərindən bəhrələnməsi, həmin mükafatlara iddialı olması deməkdir və Mərkəz bu istiqamətdə fəaliyyətini həyata keçirəcək.