logo
AZ

Haqqımızda

Tədqiqatçılarımız

 

           

    İnqilab Şahbazov

 

         İctimai rəyin öyrənilməsi 
        departamentinin dataların 
        toplanması və analizi üzrə 
              baş məsləhətçisi
 
 
Mərkəzin fəaliyyətinə töhfəsi: tədqiqat sahəsi ilə bağlı xarici təcrübənin tətbiqi
 
Rerum cognoscere causas!  - hadisələrin səbəblərini öyrənmək. Cəmiyyət dinamikdir, onun nəbzi daim dəyişir.
STM-də İctimai rəyin öyrənilməsi departamentinin əməkdaşları olaraq, işimiz məhz ictimai nəbzi ölçmək, eləcə, də mövcud problemlərin həlli yollarını təklif etmək və gələcəyə dair proqnozlar verməkdən ibarətdir.
 
İnqilab Şahbazov 2012-ci ildə İngiltərənin Şeffild Universitetinə daxil olaraq, sosiologiya üzrə bakalavr təhsili almışdır. Magistratura təhsilini isə London İqtisadiyyat və Siyasi Elmlər Məktəbində ədliyyə sistemi üzrə almışdır.
O, Science Direct və Web of Science informasiya portallarındakı impakt faktorlu jurnallarda nəşr edilən və nəşrə qəbul edilən 5 məqalənin baş müəllifidir. 
 
Araşdırma sahələri: əhalinin təhlükəsizliyi, əhalinin cinayət növlərinə baxışı, ölkənin kriminogen durumu, ona təsir edən amillər və cəza mexanizmləri.
 



 

 

   Tural İsmayılov

     Sosial Tədqiqatlar Mərkəzinin
     Mətbuat Xidmətində
     baş məsləhətçi
 
Bakı Dövlət Universitetinin Sosial Elmlər və Psixologiya fakültəsini bitirib. Sosial Tədqiqatlar Mərkəzinin baş məsləhətçisi, Azərbaycan Yazıçılar Birliyinin üzvü, siyasi şərhçi və araşdırmalar müəllifidir. 
 

  Hazırda müxtəlif mövzular üzrə araşdırma yazıları və tədqiqatlar üzərində işləyir.

 STM TV onlayn media platformasında müzakirələr və yayımlar hazırlayır, stm.az saytını idarə edir.




         

       Aytən Babayeva

       

       Kommunikasiya və

        əməkdaşlıq üzrə

         baş məsləhətçi

 

Avropanın ən böyük, İtaliyanın qədim təhsil ocaqlarından dünya reytinqində yer alan Roma “La Sapienza” Universitetinin Politologiya, Sosiologiya və Kommunikasiya fakultəsində İnkişaf Elmləri və Beynəlxalq Əməkdaşlıq ixtisası üzrə magistr dərəcəsi almışdır. Aytən Babayeva bakalavr pilləsi üzrə təhsilini Azərbaycanın ilk universiteti, Bakı Dövlət Universitetində Beynəlxalq Hüquq ixtisası üzrə fərqlənmə diplomu ilə bitirmişdir.

 

 

Bir sıra nüfuzlu yerli və beynəlxalq strukturlar, o cümlədən, Azərbaycan Respublikası Konstitusiya Məhkəməsi, Avropa Parlamenti, BMT QAK və Brüsseldə yerləşən EuroPolitics jurnalının ofisində keçirilmiş təcrübə proqramlarının məzunudur. Gənclərlə iş, icmadaxili ünsiyyət, sosial məsələlər, ətraf mühit problemləri və inkişaf amili, digər istiqamətli mövzular üzrə layihələr müəllifi və icraçısı kimi fəaliyyət göstərmiş, beynəlxalq tədbirlər və müvafiq kurslarda iştiraka dair sertifikatlar, həmçinin, müsabiqə iştirakçısı olaraq nominasiya üzrə dərəcə və mükafat sahibidir.

 

Araşdırma üzrə aparıcı istiqamətlər: Media və kommunikasiya, davamlı inkişaf problemləri Mərkəzin fəaliyyətinə töhfəsi: media və kommunikasiya, inkişaf elmləri üzrə yazılar, publisistik məqalə, təhlil, analitik hesabatlar üzrə tərcümələr, həmçinin, rəqəmsal və kreativ məzmun yaradıcılığı və idarəetməsi, aktual məsələlər və müəyyən mövzular üzrə onlayn platforma müzakirələrinin təşkili, aparıcılığı, həmçinin, Mərkəzin fəaliyyətinə dair mediada təmsilçilik.

 

Media və ictimaiyyətlə əlaqələr departamenti – əsas istiqamət: Sosial Tədqiqatlar Mərkəzinin informasiya siyasətinin çatdırılması, Mərkəzin analitik və digər faəliyyət istiqamətləri üzrə rəqəmsal və kreativ məzmun idarəetməsi

 

 

 


 

         Əfqan Vəliyev

 

    İctimai rəyin öyrənilməsi

    departamentinin Fokus

    qruplar üzrə baş

    məsləhətçisi

 

İstiqamət:Fokus qrupların təşkili və idarə edilməsi İctimai rəyin öyrənilməsi və təhlili İnsan və cəmiyyət münasibətlərinin sosiologiya aspektindən təhlili Ailədaxili münaqişə, məişət zorakılıqları və gender problemləri Tarixi və irs və milli kimlik Cümhuriyyət dövrünün tarix və sosiologiya aspetindən təhlili Nəşr olunan əsərləri:

 

Azərbaycanda yeniləşmə və Milliyətçilik Hərakatı” (1800-1918) Azərbaycan Siyasi Düşüncə Tarixi və Mirzə Bala Məmmedzadə” Tarixdən Günümüzə Azərbaycan İstiqlal (Cümhuriyyəytin bir illik yubileyi münasibətilə nəşr olunan toplu)


        

          Elnarə Qəribova

 

     Hüquq təhsilini Bakı Dövlət Universitetində,

     doktorantura təhsilini isə Ankara Universitetinin

     Avropa İttifaqı və beynəlxalq iqtisadi münasibətlər fakültəsində Avropa İttifaqı hüququ ixtisası üzrə almışdır.

Tədqiqat istiqamətləri: Avropa İttifaqı hüququ və münasibətləri, konstitusional hüquq və vətəndaşlıq, insan hüquqları, miqrasiya prosesi, avropalılaşma, Avropa kimliyi və s.




     

     Aygün Yusibova

 

    İctimai rəyin öyrənilməsi

    departamentinin Sosial

    şəbəkələrin təhlili üzrə

    aparıcı məsləhətçisi

 

   Bakı Dövlət Universitetinin jurnalistika fakültəsini bitirib.

2011-ci ildən bir sıra aparıcı mətbuat orqanlarında esse, publisistik məqalələrlə çıxış etməyə başlayıb.

Hazırda ictimai rəyin öyrənilməsi və təhlili sahəsində çalışır.

   

Siyasət məsələləri, informasiya siyasəti və təhlükəsizliyi, ictimai-siyasi mövzularla bağlı müxtəlif araşdırmaların müəllifidir.

 

Həyata keçirdiyi tədqiqatlar:

1950-1960-1970-ci illərdə dini komitələrin fəaliyyəti, Azərbaycan SSR-də dindarlığın vəziyyəti, Ermənistan- Azərbaycan Dağlıq Qarabağ münaqişəsi Vətən müharibəsindən əvvəl və sonra.